بسم الله الرحمن الرحیم
إسولفلک قصص لسنین فاتت لل عمر لحضات
طفوله و ما درینه إشلون کضت ایامنه ابساعات
***********
آه اشکثر حلوه ایام مرت والوکت حطاب
من اذکر اهالی الشوک وذکر کعدت الحباب
تضل دم تمطر اعیونی وینعی ابدارهم لغراب
ینعی و الکلب ویاه ویددی تصفک الوسفات
آه اشکثر حلوه ایام یا وسفه انه ما دامت
اشمحلاک یا فجر الصبح ابنسمت هوی وتفزز الفلاح
یهتم ویمشی لل نخل و مسحاته بیده اسلاح
یعمل ویشتل و یسد وبل عمر عنده افراح
یرجع رقم کل التعب بشفایفه البسمات
آه اشکثر حلوه ایام یا وسفه انه ما دامت
ما دامت سوالفنه وسفه الما بکت سلوه منهالینه
ابسلام الشمس اتذکر کلیوم العصر من یکسر اعلینه
عین اعلی الدرب بل باب ولهانین یمتی یرد والینه
و من یوصل ندور اعلیه ویدینه ابرقبته حیل منشبکات
آه اشکثر حلوه ایام یا وسفه انه ما دامت
الابو چل طیر من ایحط ویفرش عطف جنحانه
لو چلچل ضلام الیل یرن الهاون و برسوم دیوانه
تفوح الکهوه ام الهیل ابشوک الزلم سهرانه
یا محله مضایف هلی ویا محلاهه هل کعدات
آه اشکثر حلوه ایام یا وسفه انه ما دامت
محلاهه ملکات السلف هممه ابهله و ینزاح
و نسمت هواهم بل نخل طرت عطر لکاح
ابراک النهر و اعلی الیرف امخذر السباح
عیشت هنه عاشو هلی ما عرفو الحصرات
آه اشکثر حلوه ایام یا وسفه انه ما دامت
عیشت هلی ما تنسی و لو تنذکر بل خیر
خل نذکر امواکد هلی الماطفت لل تخدیر
خل نذکر ابیادر هلی حنطه وتبن وشعیر
والله یا کیعانه البل شلب مفروشات
آه اشکثر حلوه ایام یاوسفه انه ما دامت
یا دیره بعیونی احرسچ ذکره و بقیتی من هلی
بددهله وبچفت النهر اذکر ملاعب یاهلی
اتحصر وآهی ابجمر وصفج علی المر طیف الی
اسنین و مشت لا ما ترد ذکره وبقت سالوفات
آه اشکثر حلوه ایام یا وسفه انه ما دامت
اسنین چنه اویه الاهل ما ندری بل دنیه اشجرت
حلوه اشکثر چانت مشت ویه اهلنه و سافرت
ضعن الی ماشی اویه الاهل ما کال وین الکوطرت
و لا کال چان انه زمن ویه الذی راحات
آه اشکثر حلوه ایام یا وسفه انه ما دامت
و الله چان انه زمن مکدر اسولف قصته
قصته حنت بل کلب لو احچی تسکت دکته
یسکت کلبنه ما یدک من یدک هاون دیرته
تدری اشکثر صارت قصص کلهه وبقت تذکارات
آه اشکثر حلوه ایام یا وسفه انه ما دامت
تذکار ضلآ هل قصص اشلون یرحآ ینسن
لو شفنه زهوه بل سلف نذکر سنین الی مضن
اهوای عدنه الی مشت جملت احبه اویه الضعن
چا وین اهلج یا قصص انه وترد لا هیهات
آه اشکثر حلوه ایام یا وسفه انه ما دامت
یا ریت هم انه ترد سهرت لیالینه ابهور
و برد الشته انفویه ابنهر برکان دمنه ویفور
و انصید بل مکرف سمچ وبشباچنه انصید اطیور
خنشچل اذراع الوطن وخن رجع المنوات
آه اشکثر حلوه ایام یا وسفه انه ما دامت
المنوات بیدک من ترد اشکد حلوه یابو الغیره
اشکد حلوه لو رد السلف وترد حلات الدیره
شد عزم کوم ابصولتک لا تبقی فاهی ابحیره
هاذ اهوی حی بعده الوطن ابعزتک لا ما مات
آه اشکثر حلوه ایام یا وسفه انه ما دامت
***********************
